Larawan Mula sa Bench website

Sa gabi ng Biyernes, Hulyo 25, na ang Bench Blackout, ang denim and underwear fashion show ng Bench. Gaganapin ito sa Araneta Coliseum sa Quezon City.

Isa sa mga modelong sasali sa palabas na ito ang Cebu-based blogger na si McBilly, at nais niyang samantalahin ang pagkakataong ito upang makasamang gumimik ang mga blogger na narito sa Kamaynilaan.

Dahil dito, isang bloggers’ mini-EB ang in-organize niya sa Hulyo 27, Linggo — dalawang araw matapos ang Bench Blackout — 7 p.m., sa SM Megamall. Dahil di pa nag-o-offer ang Bench na i-sponsor ang blogger’s EB, KKB muna ito.

(more…)

Ipinakita kahapon ni Comelec spokesperson James Jimenez sa Bloggers’ Kapihan ang mga bagong teknolohiyang gagamitin sa 2008 ARMM elections inaasahang magagamit sa pambansang halalan sa 2010.

Sinusubukan ni Carl Marc ang direct recording electronic machine habang kinukunan siya ni Mong.

Kasama ang ilang estudyante at guro ng UP Manila at DLSU-Dasmarinas, sinubukan ng Bloggers’ Kapihan crew — naroon kami nina Mong at Tonyo — ang high tech na pagpili ng kandidato gamit ang Direct Recording Electronic (DRE) method.

Sa mas high-tech na paraang ito, gamit ang voting pad na kinalalagyan ng pangalan at larawan ng mga kandidato, diretsong maiipasok ng mga botante sa mala-ATM na device ang kanyang boto.

(more…)

Gaya ng maraming kabataan ng dekada 90, naging bahagi ng aking mga karanasan ang mga awitin ng Eraserheads. Minsan ko nang naisulat na “ang mga awitin ng banda ay parang soundtrack ng aking buhay, lalo ng ng aking college life: ‘Minsan’, ‘Sembreak’, ‘Pare Ko’, ‘Yoko’, ‘Overdrive’, ‘Harana’, ‘Para sa Masa’, ‘Tuwing Umuulan at Kapiling Ka’, at marami pang iba.”

Kapag naririnig ko ang kanilang mga kanta, sinusundo ng himig at tinig ng E-heads ang mga alaala ng aking buhay sa Unibersidad ng Pilipinas: ang Kalayaan Residence Hall at mga nakabarkada ko rito, ang mga bakasyon, ang nangagkawala nang college friends; ang masaya ngunit puno ng pakikibaka, makulit at magulong mga kuwentong Peyups; ang mga gunita ng ‘good old days’.

Kaya naman ngayong ipinagdiriwang ang sentenaryo ng UP, isa ako sa mga naghahangad na makitang muling tumugtog nang magkakasama sina Ely Buendia, Raimund Marasigan, Buddy Zabala at Marcus Adoro, na pawang mga taga-UP rin.

(more…)

Isa sa mga karapatan natin bilang mga mamamayan ng isang demokratikong bansa ay ang pagpili ng mga pinunong magpapatakbo sa ating gobyerno. Kahit madalas tayong nahe-Hello Garci, may mga pagkakataong ang tinig ng bayan ay nangingibabaw at nagtatagumpay. Mas dadalas ang mga ganitong panalo ng bayan kung mababantayan natin ang eleksyon upang mapagkaitan ng pagkakataon ang mga gustong mang-Hello Garci. At para makapagbantay nang maayos, makakatulong kung alam natin ang mga proseso at teknolohiyang gagamitin sa halalan.

Bilang paghahanda sa ARMM election at sa 2010 presidential elections, samahan ninyo kami sa Bloggers’ Kapihan sa pagbusisi sa poll automation. Alamin natin kung paano gagamitin ang electronic voting machines at automated counting machines.

Narito ang paanyaya ng Bloggers’ Kapihan:

What: Bloggers’ briefing on poll automation

When: July 19, Saturday, 1:00pm - 3:30pm

Where: COMELEC Automated Electoral System Information Office, ground floor, Palacio del Gobernador Bldg. Intramuros, Manila (near Manila Cathedral)

(more…)