Naitala kahapon ang unang biktima ng A (H1N1) — aka swine flu — sa Pilipinas.

Iniulat ni Health Secretary Francisco T. Duque III ang pagpanaw ng isang 49-year old na babaeng may sakit sa puso at na-test na positibo sa H1N1.

Heart failure ang ikinamatay ng biktima, ngunit maaaring ang sakit niya sa puso ay pinalala ng flu virus. Noong Hunyo 17 daw ay nagkaroon siya ng dry cough, lagnat, chills, at nahirapang huminga.

(more…)

Sigurado akong nabalitaan na nilang ayaw ng mga mamamayan na baguhin ang Saligang Batas, lalo na sa ngayon.

Malamang, nabasa na nila sa mga balita na hindi pabor ang taumbayan sa constituent assembly bilang pamamaraan ng pagbabago ng konstitusyon, kung sakali mang makumbinsi ang mga tao na kailangan ngang mag-chacha.

Nasa ibang planeta sila kung di pa nila nalalamang naniniwala ang mga Pilipino na ang Charter change ngayon ay may layuning palawigin ang dapat ay matagal nang natapos na termino ni Gloria Arroyo.

(more…)

Kanina, habang nakikinig sa radyo — wala kaming pay-per-view at di ako makagamit ng Internet — ng coverage ng laban ni Manny Pacquiao, naalala ko ang namayapa kong lolo na si Tatay Andoy. Nakakaaliw siya kapag nanonood ng boksing noong bata pa ako. Medyo maingay siya, at napapasuntok pa sa hangin. Kanina, para siguro akong si Tatay Andoy.

Paano ba namang di ka mapapahiyaw sa pakikinig — hindi pa yan panonood, ha — kung sa unang round pa lang ay dalawang beses bang natumba ang kalaban? At sa ikalawang round pa lang, na-knock out na agad ni Manny Pacquiao si Ricky Hatton.

Panalo na naman si Pacman. Napasama pa nga siya sa Trends o popular keywords ng Twitter kanina. Pati mga artista sa Hollywood, namangha. Nasa mapa na naman tayo. Dininig ng langit ang mga dasal ni Aling Dionesia. Masaya na naman ang bayan ng Pambansang Kamao. Congrats, Manny; congrats, Pinas!

Gagawaran daw ng Palasyo ng Presidential Medal of Merit si Chip Tsao, ang Tsinong kolumnistang pinagkakaguluhan ngayon sa Philippine cyberspace.

Ayon sa source, sobrang impressed ang Panggulo kay Tsao dahil sa galing niya sa pagsusulat, lalo na ng satirika. Sa kanyang kolum sa HK Magazine, tinawag ni Tsao ang Pilipinas na “a nation of servants”, na ikinagalit ng mga Pinoy.

Kaugnay nito, binawi na ng Bureau of Immigration ang ban sa kolumnista. Darating sa bansa si Tsao pagkatapos ng Holy Week. Mismong anak ng Panggulo, si Mickey Mac, ang napaulat na sasalubong kay Tsao.

(more…)